Les actualités Malgaches du Dimanche 24 Mars 2019

Modifier la date
Madaplus.info0 partages

Madagascar: Ambatondrazaka un homme victime de sorcellerie aurait vu transformer son penis en serpent

Le 23 Mars 2019, l’appareil génital d’un travailleur d’Ambatondrazaka se serait transformé en serpent selon ses dires. Un homme de la région de Vakinankaratra est venu à Ambatondrazaka en raison de son travail. Selon les informations qu’il a fournies, il serait sorti avec une veuve.
D'après les habitants locaux, ce qui est arrivé à cet homme est issu d’un sortilège protégeant une femme contre l’adultère. Malheureusement, aucun médecin n’a validé l’existence d’un quelconque animal entre les jambes de la victime. En effet, souvent, les victimes de cette forme de sorcellerie hallucinent. Par contre, la présence d’une plaie qui ne cesse de s’aggraver est le seul fait étrange sans explication affirmé par les médecins.
Madaplus.info0 partages

Madagascar: des nouvelles initiatives en faveur de la sécurité nationale.

Un atelier sur les nouvelles mesures de sécurité entre le Ministère de la sécurité nationale et les Nations Unies s’est tenu le 19 Mars 2019 dernier. Le ministère de la sécurité nationale a fait savoir que la réforme sur la sécurité qui a débuté en 2014 n’a pas apporté ses fruits jusqu’à ce jour.
Suite à cela, de nouveaux points y ont été ajoutés, dont les opérations de patrouilles auxquelles la force militaire a contribué. Selon une source auprès du Ministère, de nouveaux hélicoptères et des armes de guerres seront remises à la police, aux gendarmes et aux forces armées. Notons que la sécurisation des routes nationales figure également parmi les points essentiels.
Madagate0 partages

Antananarivo. OCPAA. 99è concert classique de midi à l'IFM

En attendant la vidéo intégrale, voici des photos du 99è concert classique de midi (un concept initié par Madagascar Mozarteum), qui a été joué par l’OCPAA ou Orchestre Chœur Philharmonique Antananarivo – Analamanga, le mercredi 20 mars 2019 à l’IFM (Institut français de Madagascar), avenue de l’Indépendance, Antananarivo.

La salle était comble, ce qui permet d'affirmer que la musique adoucit les mœurs, faisant oublier la faim et qu'une Capitale sans culture n'est pas une Capitale. Il est dommage et dommageable pour Madagascar de ne toujours pas avoir un orchestre symphonique national comme dans la majorité des pays sur les 5 continents...

Là encore, la Grande île de l'océan Indien est d'une pauvreté désespérante. Or, ce ne sont pas les musiciens virtuoses qui manquent mais la volonté politique n'existe pas car ce domaine de la musique classique n'est pas... "rentable", jusqu'ici, pour le développement personnel de certains dirigeants. Or, l'amour de ce genre musical, dénote un esprit équilibré et l'envie de toujours aller de l'avant. Malheureusement, les 5 dernières années passées ont plongé Madagascar dans une médiocratie sans nom et une corruption sans bornes.

 

Le temps est-il, désormais, au changement? Pour l'heure, tout n'est qu'urgence et priorité au niveau socio-économique et les mélomanes doivent encore attendre. Mais Madagascar Mozarteum va toujours de l'avant et le 100è concert de midi sera un inédit. Nous y reviendrons en temps opportun. Place aux photos du 20 mars 2019 à l'IFM ANtananarivo

Jeannot Ramambazafy

Ino Vaovao0 partages

FIFIDIANANA DEPIOTE : Vita antsapaka ny laharana ho ao amin’ny biletà tokana ao Toamasina

Tompomarika amin’izany ny Céni izay nahitana ny filohan’ny kaomisionina misahana ny fifidianana eo anivon’ny distrikan’i Toamasina I ( CED) ary ny filohan’ny kaomisiona provinsialin’ny fifidianana Toamasina.

Tonga niatrika izany ny ankamaroan’ireo kandidà ho depiote. Ireto farany izay miisa 12 raha 13 no nanatitra dosie. Tsy feno ny antontan-taratasin’ilay faha-13 tonga teny amin’ny Ovec ka nolavin’ ny Céni.

Nialoha ny nirosoana tamin’ ny fanaovana antsapaka, dia nisy ny fandaminana sy toromarika nomena ireo mpifaninana. Nampanarahina tamin’ny filaharan’ireo kandidà tonga nanatitra dosie filatsahan-kofidiana ny fanaovana izany antsapaka izany. Eo amin’ny laharana faha-5 no misy ny kandida Tody Arnaud, izay avy amin’ny tsy miankina. Ny laharana fahavalo kosa no ahitana ny kandidà narotsaky ny Vovonana  Isika rehetra miaraka amin’ny Filoha Andry Rajoelina. Nilain’ireo kandidà ny fahavitan’io antsapaka io. Manomboka izao dia efa afaka manonta afisy ahitana ny laharany anaty biletà tokana ny kandida tsirairay.

Taorian’ny antsapaka natao, nisy ny antso avo nataon’ny filohan’ny CED Toamasina I sy ny filohan’ny kaomisiona provinsialin’ny fifidianana Toamasina ho an’ireo kandidà mba hifanaja mandritra ny fampielezan-kevitra. Tokony tsy mifanakona afisy. Tokony hanaja mandrakariva ireo toerana azo anaovana fampielezan-kevitra ireo kandida. Hajao ny lalàna, hoy ny avy eo anivon’ny rantsa-mangaikan’ny Céni.

Samy nahazo ny laharany koa ireo kandidà depiote ao Mahajanga

Natao ny zoma maraina teo, tao amin’ny biraon’ny Ovec ny fisarihana ny laharan’ireo kandidà hilatsa-kofidiana ao amin’ny distrikan’i Mahajanga voalohany. Nanatrika izany ireo kandida depiote na ny solontenany, ary izy ireo rahateo no nisarika ny laharana tao anaty vata. Hita tamin’izany àry fa Tilahimena Samuel no laharana voalohany. Randrianantenaina Matinen Eusèbe kosa no faharoa, Assy Anziza Said no fahatelo, Razafindrazana Samson no fahaefatra ary Randrianantenaina Vévé no fahadimy. 

Afakandro Christian kosa no fahaenina, Raharison Hajaniaina Michel na Jajah no fahafito, Aimé Tony Yssouf no fahavalo, Razafindrainibe Jean Arnaud fahasivy ary Rajaonarison Christian no fahafolo. Amin’ny laharana faharoa farany kosa no misy azy mianadahy efa solombavambahoaka teo aloha, ka faha-14 Rahantanirina Lalao depiote avy amin’ny Vovonana isika rehetra miaraka amin’ny Filoha Rajoelina, faha-15 kosa Nicolas Stephan Patsouris. Mialoha azy ireo Azaly Failaza Cortigo Anjara faha-11,  Harisoa Gamy Caffasson kosa ny faha-12 ary Miza Annie no faha-13. Efa samy mahalala ny laharana misy azy avy ka efa manomana ny fampilezan-kevitra izy ireo. 

Asa soa moa no tena ampiasan’izy ireo handresen-dahatra ny vahoaka. Efa maro amin’izy ireo rahateo no fantatra amin’ny fanaovana asa soa. Araka ny lalàna dia nangatahana izy ireo hanendry mpitam-bola ara-taratasy ary ny mpitam-bola hanaiky ny fanendrena azy. Nanome toromarika vitsivitsy maromaro an’ireo kandida ihany koa moa ireo ao amin’ny Ovec.

Kamy sy Vanessa

Ino Vaovao0 partages

BORIBORINTANY FAHENINA : Laharana fahavalo ny Kandidà Rakotoarimanana Maxime

Laharana faha-8 ny kandida Rakotoarimanana Maxime, natolotry ny “Vovonana IRD” na isika rehetra miaraka amin’i Andry Rajoelina ao amin’ny Boriboritany fahenina. Tsy niandry ela ny Kandida Rakotoarimanana Maxime sy ireo mpiara-dia aminy fa omaly ihany dia nampahafantatra izany laharany izany tamin’ireo solontenan’ny mponina eny amin’iny faritra iny izy sy ireo mpiara-miasa aminy. Rabenasolo Malala Dina Nirina, Rahobinorosoa Alinala ary Rahajarimanana Solofo Heriniaina no mpiray lisitra aminy. “Laharana fahavalo, tsy manam-pahavalo”, hoy izy nampiseho ny fahavononany sahady hiatrika ny fiatrehana ny hazakazaky ny fampielezan-kevitra izay hanomboka amin’ny 06 mey 2019 ho avy izao.

Kandida maro mpanohana

Tsy mandeha irery ny Kandida Maxime fa manohana tsy misy fepetra izao filatsahany izao ihany koa ireo antoko pôlitika sy fikambanana maro eny an-toerana izay efa niara-nisalaha taminy ihany tamin’ny fampandaniana ny Filoha Andry Rajoelina na tamin’ ny fihodinana voalohany izany na tamin’ny fihodinana faharoa. Isan’ny notsongainy tamin’izany ny avy ao amin’ny atoko “Freedom”, “Hiaraka Isika”, Avi, Antoko Maitso, MMM, Avana, sy ireo maro hafa. Fokotany 31 no mandrafitra ny boriboritany fahenina. 

Ankoatra ny mpiasam-panjakana sy ny mpiasa amin’ny orinasa tsy miankina dia mivelona amin’ny fambolena sy ny fiompiana ny ankamaroan’ny mponina eny an-toerana ary ireto farany aza no tena maro an’isa indrindra amin’izany. Misy amin’ireo fokontany 31 mandrafitra ny boriboritany fahenina ireo aza no tsy mbola tongan’ny jiro sy rano mihitsy.

Vonona hanatanteraka ny hetahetam-bahoaka

Manoloana izany indrindra dia nanambara ny Kandida Rakotoarimanana Maxime fa tsy hitazam-potsiny na hijanona ho mpanao lalàna fotsiny ihany ny tenany raha tonga eo amin’ny toerana maha Solombavambahoaka azy fa tsy maintsy hijery akaiky izay tena maharary ny vahoaka ary hanampy azy ireo araka izay azony atao.“Efa teo foana, tsy hivadika aho ary hijanona ho mpanohana ny Filoha Andry Rajoelina hatrany”, hoy izy nanamafy ny maha kandidan’ny IRD azy. 

Ankoatra ny volavolan-dalàna izay efa iombonany amin’ny Filoham-pirenena, Andry Rajoelina dia isan’ireo hetaheta hatolony eny amin’ny Antenimieram-pirenena ihany koa ny fiadiana ny tombontsoan’ireo Sefo Fokotany izay nambarany fa tokony homena famatsiam-bola sy karama manokana satria izy ireny mihitsy no ivon’ny fampandrosoana, eo koa ny famerenana ny fanabeazana maha olom-pirenena ary ny fampiakarana ny lanjan’ny Antenimierampirenena mba tsy hanjakan’ny kolikoly sy ny “Malety” intsony.

Nambarany nandritra ny fanolorana azy omaly fa raha izy no voafidy hitondra ny tenin’ny vahoaka ao amin’ny boriboritany fahenina eny amin’ny Antenimierampirenena, Tsimbazaza dia atokany manontolo hanasoavana ny mponina eny an-toerana ny ampahefatry ny karamany mandra-pahatapitry ny fotoam-piasany.

Ny Ami  

Ino Vaovao0 partages

MOSKE 67 HA : Mitohy hatrany ny fanakorontanana ataon’ny mpanolotsain’ny Praiminisitra teo aloha

Nivadika ho  fanamparam-pahefana tanteraka mantsy ny fanendrena nataon’ Ingahy Mahafaly Solonandrasana Olivier, Praiminisitra teo aloha an’ i Abdoul Hady hitarika ny FMS na ny Fikambanan’ ny Silamo eto Madagasikara. Nomen’i Abdoul Hady baiko ohatra ireo mpiambina roa lahy omaly, hanakana ka tsy hamela ny Imam Ibrahim Jaomazava hanatrika sy hitarika ny fotoam-pivavahana maraina na “Fajr.” Vokany, nitroatra nivoaka avy ao amin’ ny toeram-pivavahana ireo mpino ka nitondra ilay Imam hiditra tany anatiny. 

Tsy levon’ ny vavonin’ ingahy Abdoul Hady ny filazana ny marina ataon’ io Imam io raha ny voalaza ka izao nanaovany antsojay izao.

Raha iverenana ny zava-nisy tamin’ny zoma  lasa teo dia tokony nisy ny fotoam-pivavahana iraisam-pinoana natao teny amin’ io Môske io, entina hitrotroana am-bavaka ny fahatsiarovana ny tolom-panafahana ny 29 marsa 1947. Ingahy Aboul Hady no isan’ ny nanao ny fanomanana, saingy nihanjahanja izy satria tsy tonga nanatrika izany ny solontenam-panjakana tamin’io zoma io. Nandritra ny fotoam-pivavahana lehibe mahazatra fanao isaky ny zoma dia niezaka nanakorontana  tao amin’ ny Môske ny andian’ olom-bitsy miara-dia amin’ i Abdoul Hady. Tsy zakan’ny mpino io fanakorontanana io ka nisy tamin’ireo mpino no lasa nody, isan’izany ny manamboninahitra iray avy ao amin’ny Zandarimariam-pirenena.

Mila andraisana fanapahan-kevitra

Tsy takona afenina intsony, araka izany, fa tena korontana sy savorovoro eo anivon’ny mpino silamo ny fahazoan-dalana an-tsokosoko navoakan’ ny Praiminisitra teo aloha sady minisitry ny Atitany tamin’ izany fotoana ny amin’ ny fanendrena an’ i Abdoul Hady ho filoha mpitarika ny Fsm. Mila andraisana fepetra faran’ izay haingana amin’ ny fanafoanana io fahazon-dalana io ny minisiteran’ ny Atitany amin’ izao fotoana, ary tokony hanafaingana ny fanadihadiana ataon’ny Birao mahaleotena miady amin’ ny Kolikoly na Bianco. 

Raha tsy andraisana fepetra haingana ity raharaha ity dia hiteraka korontana hafa indray satria  fantatra izao fa tsy hanaiky mora foana ireo mpino silamo izay mandala ny marina fa hijoro hanohitra ny tsy rariny ampiharina amin’ ny fivavahan’ izy ireo. Efa akaiky rahateo izao ny volana ramadany izay volana lehibe amin’ny mpino silamo, ka raha tsy milamina dieny izao ity raharaha ity dia mety hiteraka zavatra hafa indray. Eo ihany koa ny fitrotroana am-bavaka ny firenena mialoha ny fankalazana ny fetim-pirenena hotanterahina ao amin’io Môske io ihany.

Tsy tokony hafenina rahateo fa tokony haharihary ho fanta-bahoaka aza ny kolikoly sy ny fanamparam-pahefana nisy tao ambadiky ny famoahana ny fahazon-dalana. Efa eo am-pelatanan’ ny Bianco moa ny antontan-taratasy mahakasika ny raharaha ary andrasana ny fiantsoana an’ Ingahy Mahafaly ao anatin’ izany. Ity farany izay fantatra fa manana antontan-taratasy maro mahavoasaringotra azy raha tsy hilaza fotsiny afa-tsy ilay “bizina masiso” nataony tany Ambohimamahamasina efa nahavoatonontonona ny anarany.

Ny Ami

Ino Vaovao0 partages

HALATRA « PANNEAUX SOLAIRES » AMBOHIMANARINA : Lehilahy miisa 2 nosamborin’ny Polisy

Vokatry ny fiaraha-miasa amin’ny vaomieran’ny fandriam-pahalemana eny amin’ny faritra Ambohimanarina no nahafahana nisambotra ireto olon-dratsy ireto. Tokony ho tamin’ny 02 ora maraina no naharay antso avy amin’izy ireo ny polisy mikasika ny fisiana lehilahy vitsivitsy mihaodihaody manodidina ny andrin-jiro iray mandeha amin’ny herin’ny masoandro eny amin’ny «  rocade  ». 

Tonga teny ifotony ny polisy ka tra-tehaka teo am-panaovana ny asa ratsiny ny lehilahy iray  raha tafatsoaka ny ambiny. Baramina miisa 02 ihany koa no tra-tehaka teny amin’ny toerana nisamborana an’ ilay lehilahy. Nentina natao fanadihadiana avy hatrany arak’izany ilay voasambotra, ka ity farany no nanoro ny toerana fonenan’ilay namany. Nosamborina tao an-tranony izy ny zoma tokony ho tamin’ny 06 ora maraina. Nosavaina ny tranony ka tamin’izany no nahitana singa maro izay hita eny amin’ireny andrin-jiro ireny. 

Mangataka fiaraha-miasa akaiky amin’ny mponina  ny amin’ny fanomezana loharanom-baovao hatrany ny eo anivon’ny Polisy eto an-drenivohitra, ho fanamorana ny fisamborana ireo olon-dratsy.

Tatianà R.

Ino Vaovao0 partages

BANKY FOIBEN’I MADAGASIKARA : Ho tapitra amin’ity taona ity ny fampiasana ireo vola teo aloha

Nandritra ny roa taona izay no nisian’ny vola vaovao, ravim-bola dimy Arivo Ariary, arivo Ariary, roa arivo Ariary, dimy Arivo Ariary, iray alina Ariary ary roa alina Ariary mitambatra. Mba hialana amin’ny ho fahasahiranan’ireo izay manan-tahiry amin’ireo vola teo aloha dia mbola azo nampiasaina manerana ny tanin’I Repoblikan’I Madagasikara ilay vola vaovao sy ireo vao natonta. 

Araka ny fanazavana noentin’ny governoran’ny Banky Foiben’i Madagasikara, Alain Hervé Rasolondraibe dia tsy hihoatra an’ity taona ity intsony ny fampiasana ireo vola teo aloha. Amin’izao fotoana izao, araka ny antontan’isa nomeny dia efa ny 65%-n’ny vola mihodina eto Madagasikara dia saika efa ireo vola vaovao ireo avokoa. Any amin’ny Faritra hafa aza dia efa mahatratra 85% izany, izany hoe efa ireo ravim-bola vaovao avokoa no ampaisain’ny olona. “Efa ho roa taona izao, tamin’ny taona 2017 isika no nanomboka namoaka an’ireo vola vaovao ireo. 

Efa nataontsika tsikelikely ny asa, ny politika noraisin’ny Banky Foibe tao anatin’izay dia ny fanovana miandalana ny vola taloha sy ny vola vaovao. Efa tena miroso isika amin’izao fotoana izao satria raha ny kajy dia efa mihoatra ny 65% manerana an’i Madagasikara ny vola vaovao no miasa, eo amin’ny 35% izany sisa. Any amin’ny Faritra sasany jerena fa tena efa miakatra izay satria mahatratra hatrany amin’ny 85%. Azo heverina araka izany fa efa tsy ho ela intsony dia azontsika hatao no manajanona ilay vola taloha, tsy hihoatra ny faran’ity taona ity”, hoy ny fanazavana noentin’ny governoran’ny Banky Foiben’i Madagasikara. 

Ankoatr’izay dia nitondrany fanazavana ihany koa fa hivoaka tsy ho ela ny lalàna vaovao momba ny banky, hivoaka tahaka izany ihany koa ilay famatsiam-bola FEC na “Fond Elargie de Credit” andiany fahaefatra. Ity farany izay ahazoana famatsiam-bola 43,8 tapitrisa dôlara ka ny ampahany amin’io dia ho tantanin’ny Banky foibe ary ny ampahany kosa dia hanohanana ny fanampiana ny teti-bolam-panjakana. Ny FEC izay fiaraha-miasa eo amin’ny Banky Foibe sy ny tarim-bola iraisam-pirenena na ny FMI. Ny sabotsy lasa teo moa dia nanatanteraka fambolen-kazo teny Anjeva ny teo anivon’ny fianakaviam-ben’ny Banky Foiben’i Madagasikara. Nandritra izany no nitondrana ireo fanazavana rehetra ireo.

 Avotra Isaorana

Ino Vaovao0 partages

HALATRA LAVANILA MAITSO ANY ANTALAHA : Lehilahy iray nifandrombonan’ny vahoaka nodarohina

Na dia efa apetraka aza ny sazy henjana ho an’ ireo izay tratra, na misy aza  lamina ifanarahana dia toa vao mainka mahatonga  ireo sasantsasany minia, hamarotra mora ary mangalatra ireo lavanila  eny an-tanimboly. Betsaka ireo mitaraina ny amin’ny fatiantoka isan-taona , hany ka tsy miandry ny mpitandro filaminana  intsony ny  fokonolona  raha sendra mahatratra olon-dratsy  fa avy hatrany dia mikononkonona fitsaram-bahoaka. 

Araka ny angom-baovao voaray teo am-panoratana lahatsoratra omaly, tovolahy  iray indray no tratran’ny fokonolona nangalatra lavanila mbola manta tao amin’ny Marofinaritra, Kaominina Sahantaha ny sabotsy maraina lasa teo. Tsy niandry ny fandraisan’andraikitry ny mpitandro filaminana intsony ny vahoaka fa nifandrombaka namono  ity farany avokoa. 

Vokany, naratra mafy teo amin’ny lohany, tavany  ity tovolahy ity  ka nandriaka ny rà. Soa ihany fa nisy  ireo olona nampandre ny zandary tao an-toerana izay tonga haingana nandamina ny raharaha ary mandray an-tanana ny fanadihadiana ankehitriny.

Mitady vahaolana maharitra ny mpamboly sy mpandraharaha

 Efa saika isan-taona no nisy olana miverimberina ny sehatry ny fambolena lavanila eto Madagasikara. Vao eny am-potony dia efa foana tsy misy intsony ny vokatra noho ny asa ratsin’ireo jiolahy. Toa lasa fanahiana ny amin’ny fatiantoka ny ankabeazan’ny mpamboly  satria raha ny zava-misy hatramin’izao dia misy ny sasantsasany amin’ireo  tantsaha  no tsy manana lavanila intsony vokatry ny  asan-jiolahy. Eo indrindra no angatahina amin’ny tompon’ andraiki-panjakana  mba hijery akaiky ireo mpandraharaha sy ny mpamboly. Vahaolana amin’ny lafiny tsy fandriam-pahalemana amin’ny toerana betsaka mpamboly lavanila, hoy ireo mponina, no tokony hamafisina ny fiambenana, etsy andanin’izay ny isan’ny mpitandro filaminana miasa natao hiaro azy ireo.   

Notsindrian’ireo  solontenan’ny  mpandraharaha hatrany koa moa ny tokony hisian’ny ny lamina apetraky ny mpitondra fanjakana ny amin’ny fandaminana  ny famoahana ny vokatra  ho fisorohana ny  fikorontanana  mety hiseho. 

Tatianà R.

Ino Vaovao0 partages

AMBANJA : Nakotroka ny fankalazana rezionaly ny fetim-behivavy an’i Diana

Tsiahivina fa ny 8 marsa no natokana ho fankalazana maneran-tany ny andron’ny vehivavy. Araka ny fantatra dia noho ny fisian’ny fankalazana nasionaly ny fetim-behivavy tao Mahajanga dia nahemotra tamin’ io sabotsy 23 marsa io ny fankalazana rezionaly taty Diana. Samy nahatonga solontena avokoa ireo fikambanam-behivavy tao anatin’ny distrika dimy izay mandrafitra ny Faritra Diana. Naresaka sady nilamina araka izany ny fety nataon’ireo andriambavilanitra taty amin’ny tapany avaratra ny Nosy. Tonga nanome voninahitra ny fotoana Ramatoa vadin’ny Praiminisitra lehiben’ny governemanta.

Filaharambe namakivaky ny tanànan’Ambanja no nisantarana ny lanonana. Samy naneho ny fahafahana mandray andraikitra amin’ny fampandrosoana, ireo vehivavin’i Diego, Ambilobe, Nosy Be, Ambanja. Indrindra tamin’izany ny fanehoana ny fitafiana avy aty avaratra, ka samy nijejojejo tamin’ny salovana sy kisaly tamin’ny ankapobeny ireo fikambanam-behivavy nandray anjara tamin’ izany, ankoatra ireo vehivavy polisy sy zandary nanao ny fanamiana maha mpitandro filaminana azy ireo. Nisy araka izany ny fitsidihana ny trano heva izay nahitana fampirantiana vokatra sy asa tanana vitan’ny vehivavy. 

Amin’ny maha fety azy dia nisy ny fiaraha-misakafo sy fialana hetaheta nataon’ireo fikambanam-behivavy tsirairay, tamin’ireo toerana voatokana. Samy afa-po ireo nandray anjara tamin’ny fanaovana fety. Tonga tao avokoa ireo fikambanam-behivavy avy amin’ireo kaominina ambanivohitra ao anatin’ny distrikan’Ambanja. Araka ny fantatra dia ifandimbiasana isan-taona ao anatin’ny distrika dimy mandrafitra ny Faritra Diana ny fankalazana rezionaly. Nefa na  izany dia tsy sakana ho an’ireo eo anivon’ny kaominina, distrika ny mankalaza ny fetim-behivavy amin’ny toerana misy azy.

Mpanjono

Ino Vaovao0 partages

FANAMARIHANA NY 29 MARSA 1947 : Nosantarina tamin’ny fotoam-pivavahana

Fotoam-pivavahana natrehin’ny solontenam-panjakana ka ny Minisitry ny Fiarovam-pirenena no nisolo toerana ny Praiminisitra lehiben’ny Governemanta teny an-toerana. Nambaran’ ity farany tao anatin’ny fandraisam-pitenenana nataony fa iombonana ny vanim-potoana tahaka izao. Vanim-potoana izay ahatsiarovana ny tolona nataon’ ireo Malagasy ahazoana ny fahaleovan-tena. Ankoatr’ izay, anisan’ny notsiandrian’ny minisitra ihany koa fa mametraka ho laharam-pahamehana amin’ny ady hatao amin’ny tsy fandriam-pahalemana ny fitondram-panjakana. 

Mbola mankadiry, hoy izy, ny ezaka hatao amin’izany ka hiantsoana ny fandraisan’andraikitra sy ny tolo-tanana avy amin’ny olom-pirenena tsirairay. Tsy maintsy hatao, hoy hatrany ny minisitra, ny ezaka hametrahana filaminana manerana ny nosy, manana paikady amin’izany ny fitondram-panjakana. Vita iny tolona tamin’ ny 1947 saingy mandraka ankehitriny dia mbola mitohy hatrany ny tolona atao, tolona hitondrana an’i Madagasikara mankany amin’ny fandrosoana ary hialana amin’ny haizin’ny fahantrana izay mbola mahazo ny ankamaroan’ny Malagasy amin’izao fotoana izao. 

“Mbola mitohy ny ady lehibe, ady amin’ny fahantrana, ady amin’ny kolikoly, ady amin’ny tsy fandriam-pahalemana”, hoy ny minisitry ny Fiarovam-pirenena. Amin’izao andro vitsy mialoha ny ahatsiarovana ny fankalazana ny tolom-panafahafa tamin’ny taona 1947 izao dia efa misy ireo hetsika maro samihafa hoentina hanamarihana izany. Isan’izany ny fampirantiana an-tsary ireo zava-nitranga tamin’izany fotoana.

Avotra Isaorana

Ino Vaovao0 partages

KOLONTSAINA SY NY SERASERA : “Ho taratry ny fitiavan-tanindrazana ny Hetsika Tagnamaro”

Anisany nohazavainy tamin’ izany fa hamohazana indray ny tena fitiavan-tanindrazana ao anatin’ny fon’ny olom-pirenena tsy an-kanavaka ny hetsika Tagnamaro. Tsy ho tombontsoan’ny mpitondra akory, hoy izy, na ho tombontsoan’ny minisitera izay tompon-kevitra fa ho tombontsoan’ny olon-drehetra tsy ankanavaka mihitsy satria ny tontolo manodidina azy manokana no voadio. Araka ny fanazavana noentiny hatrany dia tolo-kevitra nomen-dramatoa Minisitry ny Kolontsaina sy ny Serasera, Lalatiana Rakotondrazafy Andriatongarivo tao anatin’ny fandaharan’asany izay nosoniaviny sy natolony (contrat programme) tamin’ny Praiminisitra lehiben’ny governemanta io hetsika Tagnamaro io. 

Tao anatin’io fandaharan’asa amin’ny ankapobeny izay natolotry minisitra io nataony ho andro fanadiovana ho an’ny daholobe fotsiny saingy rehefa nisy ny fifandinihana teo anivon’ny minisitera dia navadika ho “Hetsika Tagnamaro andron’ny olom-pirenena”. Hetsika natao ihany hamerenana indray ilay soatoavina Malagasy izay ifantohan’ny fifanampiana sy ny fifanomezan-tanana eo amin’ny samy mpiara-belona rehefa misy ny asa hatao. Tsy misy valaka amin’izay ny “Hetsika Tagnamaro”, vondron’olona maromaro no hifanome tanana ary hisafidy toerana iray hanaovan’izy ireo asa mivaingana iray. 

Mety ho fanadiovana, mety io fanavaozana ary tsy voatery ho tranom-panjakana na toeram-panjakana ihany fa izay hifaneken’ny rehetra dia afaka hatao avokoa na sekoly, lalana, hopitaly, zaridaina, sns… hoy ny fanazavana noentin’ny tale jeneralin’ny Minisitera. Indray mandeha isam-bolana no hanaovana ny “Hetsika Tagnamaro andron’ny olom-pirenena”, tanterahina isaky ny sabotsy fahatelon’ ny volana. Ny amin’ity volana ity dia amin’ny sabotsy 30 marsa ho avy izao no hisantarana izany manerana ny Nosy. 

Nambaran’ ny tale jeneralin’ny Minisiteran’ny Kolontsaina sy ny Serasera, Fanahimana Tiaray fa efa mihetsiketsika amin’izany daholo ireo rantsan’ny minisitera eny anivon’ny Faritra. Notsindriany fa tsy voatery ity minisitera tompon-kevitra ity irery ihany no afaka mandray anjara fa ny minisitera rehetra dia afaka mifandrimbona araka izay fandaharam-potoanany avokoa. Tahaka izany ihany ireo fikambanana isan-tsokajiny, ny sekoly, ny sampan-draharaham-panjakana maro samihafa. Ny finiavana sy ny fahatongavan-tsaina, ary ny fitiavan-tanindrazana ao am-pon’ny olom-pirenena tsirairay no andrasana ao anatin’ity hetsika ity.

Avotra Isaorana

Ino Vaovao0 partages

MPITONDRA TUC- TUC AO TOAMASINA : Nitondra teny fisaorana ho an’ny Filoha Rajoelina

Fangatahana alalana mba ho afaka hiasa alina. Misy mantsy ny fandraràna azy ireo tsy hiasa alina teo aloha. Tsy ireo mpamily tuc-tuc ihany no nangataka io fahazoan-dalana io fa ireo olona manana antom-pivelomana eny amin’ny moron-dranomasina. Nambaran’izy ireo mantsy fa tsy manana fahafahana mandeha fiarakaretsaka amin’ny alina izy ireo rehefa hamonjy fodiana ka tsara raha avela miasa amin’ny alina ireo tuc-tuc.

Ny zoma 22 marsa lasa teo, nisy avy hatrany ny fivoriana notanterahin’ireo mpitondra tuc-tuc nampahafantarana io fahazoana miasa amin’ny alina io. Fotoana izay nitondrana fisaorana ho an’ny Filoham-pirenena Andry Rajoelina ihany koa. Mitaraina anefa ireo mpamily tuc-tuc ao Toamasina fa mbola misy amin’ireo polisy miasa alina no misakana.  Io fitaovam-pitaterana io izay mamelona fianakaviana maro. Ireo tompony izay mampanofa 30 000 Ariary isan’andro.

Kamy

Ino Vaovao0 partages

TSENA MORA AO TOAMASINA : Nanomboka ny sabotsy teo ny fivarotana vary mora

Fotoana izay nanomboka nivarotana ny vary mora. Miisa 22 ireo toeram-pivarotana voatokana amin’izany. Noferana ho 1 000 Ariary ny iray kilao. Telo kilao isaky ny karinem-pokontany no azo jifaina. Tonga nanokatra izany ny Minisitry ny Indostria sy ny varotra ary ny asatanana, Rakotomalala Lantosoa.

Niara-dia taminy ny mpiandraikitra ny Tsena mora eto Madagasikara, Charly. Nanotrona  ihany koa ny Minisitry ny Mponina teo aloha, Naharimamy Lucien Irmah. Nanambara ny Minisitry ny Indostria sy ny varotra ary ny asa tanana fa isaky ny alarobia sy sabotsy no ivarotana io vary mora io. 

Misokatra manomboka amin’ny 8 ora sy sasany maraina ny tsena. Nahitsy kosa izy niteny fa mila mipaka any amin’ny vahoaka ireo vary mora ireo, ka nampitandrina an’izay mikasa hanodinkodina izany ny minisitra. Vary mora izay fampanantenana nataon’ny Filoha Rajoelina fony izy mbola kandidà nifaninana ho Filoham-pirenena.

Kamy

Ino Vaovao0 partages

KIDNAPPING NAHAFATY KANDIDA DEPIOTE : Miisa 7 ireo voasambotra, kandidà mpifaninana aminy ny iray

Tsiahivina moa fa ny ampitson’io fakàna an-keriny io, rehefa nisy ny fifanenjehana teo amin’ireo Zandary sy ireo mpaka an-keriny ireo dia tratra ny iray tamin’ireo 3 lahy nandray anjara mivantana tamin’ izany. Ny famotorana natao azy io, no nitarika ny fisamborana ireo 6 mianadahy hafa nahitana kandida ho depiote ny iray izay mpaniraka, vehivavy mpampianatra ny iray izay mpanome basy ary olona 4 hafa, mpiray tsikombakomba. 

Fantatra tamin’ny angom-baovao voaray  hatrany fa ny lehiben’ny jiolahy iray, antsoina  hoe Philibert, izay lavo tany Antsirasira Betrandraka tamin’ny fifandonana tamin’ ireo Zandarin’ny FIGN ny alin’ny 18 hifoha 19 marsa, ary nahafaty ilay Zandary iray teo dia isan’ny mpibaiko ireto mpaka an-keriny ireto, ny vehivavy sakaizany iray izay nampiatrano azy io dia isan’ireo voasambotra ihany koa. Hatolotra ny Fampanoavana ao Mahajanga ireo voarohirohy ireo. Mitohy hatreto hatreto ny fikarohana  ny jiolahy mbola tsy hita popoka, isan’izany i Del kely.

Tatianà R.